jump to navigation

Hang over – பாகம் 2! மறுபடியும் மொதல்ல இருந்தா May 10, 2011

Posted by anubaviraja in கிரிக்கெட், நகைச்சுவை, பிடித்தவை, ரசித்தவை.
Tags: , , , ,
2 comments

ஹாங் ஓவர் – அப்படின்னு ஒரு படம் , ரொம்ப நல்லா இருக்குன்னு நம்ப நண்பன் ஒருத்தர் சொன்னாரு – இந்த சம்பவம் நடந்தது சுமார் ஒரு ஒன்றரை வருசத்துக்கு முன்னாடி .. படத்த பார்த்து இப்படி எல்லாம் யோசிச்சி படம் எடுக்க முடியுமான்னு நானே ஆடி போயிட்டேன் … அசந்து போயிட்டேன் 😉 ….

கதை எல்லாம் ஒண்ணும் பெரிசா இல்லை, கல்யாணத்துக்கு முந்தின நாள் – பாச்சிலர் பார்ட்டி , காலையில எந்திரிச்சி பார்த்தா …. பாத்ரூம்ல புலி, பீரோல கொழந்த, ஒருத்தனுக்கு பல்ல காணோம் , கடைசில மாப்பிளையவே காணோம் …

இந்த பிரச்சனைய எல்லாம் எப்படி தீக்குறாங்க அப்படிங்கறது தான் மீதி கதை… திரை கதைல பட்டைய கேளப்பிருப்பாங்க …  விமர்சனம் படிக்க இங்க கிளிக்

இப்போ ரெண்டாவது பார்ட் வேற வருதாம் … இன்னும் ரணகளமா இருக்கும்ன்னு ட்ரைலர் பார்த்தா நிங்களே சொல்விங்க ….

சில படங்கள் பார்ட் டூ எடுத்தாலே கொஞ்சம் மொக்கையா தான் இருக்கும்…. இந்த படம் அப்படி இருக்காதுன்னு நம்புவோம் 🙂

Advertisements

ராவன் படத்தோட ட்ரைலர்… May 2, 2010

Posted by anubaviraja in சினிமா, பிடித்தவை, ரசித்தவை.
Tags: , , , , , , ,
1 comment so far

நான் ரொம்ப ஆவலோட எதிர்பாக்குற படங்கள்ல இதுவும் ஒண்ணு. தளபதி படத்துல மகாபாரத கதைய எடுத்து ஒரு நல்ல படத்த குடுத்த மணிரத்னம் இந்த படத்த எப்படி எடுதுருக்கார்ன்னு பார்க்கலாம் :). அப்புறம் நமக்கு ஹிந்தில பிடிச்ச ஹீராகல்ல ஒருத்தரான அபிஷேக் பச்சன் வேற நடிக்கிறார் , விக்ரம் முதல முதல்ல ஹிந்தில நடிக்கிறார் … இப்படி படத்து மேல பல எதிர்பார்ப்புகள் …

அப்புறம் இன்னொரு விஷயம் இந்த மலை மேல இருந்து குதிக்கிற சீன்ல டூப் போடாம அபிஷேக் அவரே குதிச்சாராம்… ம்ம்ம்… அவரே ரொம்ப உயரம் .. அதுனால பயம் இருந்திருக்காதோ?? 😉

விக்ரம் நீங்க என்ன பண்ணிருக்கிங்க?? தமிழ் ட்ரைலர் பார்க்க ஆவலோட இருக்கோம்…

no nation is perfect, but has to be made perfect August 15, 2009

Posted by anubaviraja in சினிமா, பிடித்தவை, ரசித்தவை.
Tags: , , , , ,
4 comments

எல்லாருக்கும் வணக்கம் ப்லாக் பக்கம்  பார்த்து ரொம்ப நாள் ஆச்சி … என்னங்க பண்றது கொஞ்சம் வேலை ஜாஸ்தி. இன்னிக்கு தான் நிம்மதியா ஒக்காந்து டைப் பண்ணுறதுக்கு நேரம் கெடைச்சது . சுதந்திர தினம் 🙂 ……. நல்லா தான் போய்கிட்டு இருக்கு. குசேலன் (ஷப்பா…) நடிகைகளோட பேட்டி அப்படின்னு பார்த்து நேரத்த போக்கிருப்பிங்க. ரொம்ப நாள சொல்லனுமுன்னு  நினைச்ச ஒரு விஷயம் மனசுல நிக்கிது அத இன்னிக்கு சொல்லிடறேன்.

நான் சென்னை வந்தப்ப ஒரு ஹிந்தி படம் கூட பார்த்தது கெடயாது . வந்ததும் கொஞ்ச நாள் வேலை தேடிக்கிட்டு இருந்தேனா , அப்போ பொழுது போகாம இருந்த சமயத்துல எங்க ரூம்ல இருந்த நெறைய ஹிந்தி DVDய பார்த்து டரியல் ஆகி இருந்தேன் , (நமக்கும் ஹிந்திக்கும் தான் மூணாம் க்ளாஸ்ல இருந்தே ஆகாதே ..)  அப்புறம் என்னோட ரூம் மேட் தான் சப்டைட்டில் போட்டு படாத பாக்கலாம்ம்னு சொல்லி என்னோட அறிவு கண்ண தெறந்து விட்டாரு. மொதல்ல என்ன பாக்க சொன்ன படம் Rang de Basanti

சரி நம்ம மாதவனும் சித்தார்த்தும் இருக்கங்கலேன்னு நம்பி பார்க்க ஆரம்பிச்சிட்டேன். படம் பார்த்து முடிச்சோடனே , இப்படி எல்லாம் நம்ம தமிழ் டைரக்டர்கள் யோச்சிக்க மாட்டாங்களான்னு தோனுச்சி.

இங்கிலாந்துல தான்னோட தாத்தாவோட ( சுதந்திர போராட்ட காலத்துல ஜெயிலரா இருந்தவரு) டைரிய படிக்கிற பேத்தி பகத் சிங் மற்றும் சுதந்திர போராட்ட வீரர்கள பத்தி படம் எடுக்கணும்ன்னு ஆசை பட்டு இந்தியா வர்றாங்க. அப்போ அவங்களுக்கு டெல்லி யுனிவேர்சிடில இருக்குற ஒரு குரூப் friend ஆயிடறாங்க. அந்த படம் எடுக்க ஆரம்பிக்கும் போது தான் சந்திரசேகர ஆசாத், பகத்சிங், ராம்பிரசாத் பிஸ்மில், அஷ்பகுல்லா கான் பாத்திரங்கள்ல நடிக்க அமீர் கான், சித்தார்த் அண்ட் கோ ஒத்துகிறாங்க.

அமீர் கான் குரூப் கொஞ்சம் வித்தியாசமானது . இந்து, முசுலீம், சீக்கியர், ஓவியர், அதிவேகமாக பைக் ஓட்டுறது , பீரை குடிச்சிகிட்டே உயரத்துல இருந்து  தண்ணீரில் குதிப்பவர்கள், இப்படிப்  ஆட்டமும், பாட்டமுமாய் நாளைக் கழிப்பவர்கள் (குஷியான க்ருப்புங்கோ) . தோழியின் காதலனான மாதவன் இந்திய விமானப்படையில் பைலட்டாகப் பணியாற்றுபவர்.  இந்தக் கும்மாளத்தில் அவ்வப்போது அவரும் கலந்துக்குவாறு.

ஆரம்பத்தில் இந்த படத்தை தமாசாகக் பாக்குற  நண்பர்கள் அந்த இங்கிலாந்து பெண்ணின் தீவிரமான அக்கறையை பாத்து  வசனங்களையெல்லாம் மனப்பாடம் செஞ்சி நடிக்கிறாங்க .

கடைசில  போராளிகள் தூக்கிலிடப்படும் காட்சிகளைத் திரையில் பாக்கும்  நண்பர்கள் சில கணங்கள் உறைந்து போகிறார்கள். அப்போ மாதவன், படித்தவர்கள் இராணுவத்துக்கும், ஐ.ஏ.எஸ்ஸுக்கும், அரசியலுக்கும் வரவேண்டும் என்கிறார். படவேலைகளுக்கு இடையே ஆட்டமும், பாட்டமுமான அவர்களது கொண்டாட்ட வாழ்க்கையும் தொடருகின்றது.

ஆனால் மிக்21 விமானத்தில் பறந்த மாதவன் விபத்தில் இறந்து போக நண்பர்களின் மகிழ்ச்சி நிறைந்த வாழ்க்கை ஒரு முடிவுக்கு வருகிறது. விமானப்படையில் பல ஆண்டுகளாகப்  மிக்21 விமானங்கள் அடிக்கடி விபத்திற்குள்ளாவது குறித்துப் புலனாய்வு செய்த என்.டி.டி.வி , தரங்குறைந்த மிக் ரக விமானங்களை வாங்கியதில் ஊழல் இருப்பதாக அறிவிக்கிறது. ஊழல் செய்த  மந்திரி விமானம் வாங்கியதில் ஊழல் ஒன்றுமில்லையெனவும், விமானம் விபத்திற்குள்ளானதற்கு பைலட்டின் தவறே காரணம் என்றும் அலட்சியமாகக் கூறுகிறார்.

ஆத்திரமடைந்த நண்பர்கள் முதன்முதலாக அரட்டைக்குப் பதிலாகக் கோபத்துடன் கூடி விவாதிக்கிறார்கள். தாங்கள் ஏற்று நடித்த புரட்சியாளர்களின் வசனங்களை இப்போது நிஜத்தில் பேசுகிறார்கள். இங்கும் ஆசாத்தும், பகத்சிங்கும், பிஸ்மில்லும் மாறி மாறி வந்து பேசுகிறார்கள். எது நிழல் எது நிஜம் என்ற பேதம் தெரியாதபடி விவாதம் நடைபெறுகிறது. இறுதியில் மந்திரியைக் கொல்வது என்று முடிவெடுக்கிறார்கள்.

அப்புறம் என்ன மந்திரி தியாகி ஆகிடறாரு….. (அரசியல்வாதிகள்னாலே தியாகிகள் தான பா ) . தங்களது கொலைக்கான நியாயம் இதன் மூலம் மறைக்கப்படுவது கண்டு கொந்தளிச்சி அதை உலகிற்குச் சொல்லுரதுன்னு   முடிவெடுக்கிறார்கள். ஒருநாள் அதிகாலையில் ஆல் இந்தியா ரேடியோவைக் கைப்பற்றி நேரடி ஒலிபரப்பில் தங்கள் தரப்பு நியாயத்தைத் தெரிவிக்கிறார்கள். தொலைபேசியில் வாழ்த்துக்களுடன் வரும் கேள்விகளுக்குப் பதிலளிக்கிறார்கள். தொலைக்காட்சிகளிலும் இந்தச் சம்பவம் தலைப்புச் செய்தியாகக் காட்டப்படுகிறது.

இவங்கள  டேரரிஸ்டுன்னு    சொல்லி  அதிரடிப்படையை ஆலிந்தியா ரேடியோக்கு   அனுப்பி  நண்பர்கள் எல்லாரையும் போட்டு தள்ளிட்றாங்க . ஆவணப்படத்தில் தாங்கள் தூக்கிலிடப்படும் காட்சிகளை நினைத்தவாறே சிரிசசி கிட்டே  சாகிறாங்க . 😦

படத்துல ரெண்டு டயலாக் என்னோட மனசுள்ள நின்னது…..

மாதவனும் சித்தர்த்தும்  சொல்றது….

No nation is perfect, but has to be made perfect

ஜெயிலர் டைரில இருந்து ….

I always believed there were two kinds of men in this world, men who go to their deaths screaming, and men who go to their deaths in silence. Then I met a third kind.

கண்டிப்பா அந்த படத்த பாருங்க…. மிஸ் பண்ணிராதிங்க …

காட் பாதர் படமும் .. நான் ரசித்த சர்கார் ராஜும் April 26, 2009

Posted by anubaviraja in சினிமா, ரசித்தவை.
Tags: , , , , , , , , , ,
1 comment so far

உலக சினிமாலாம் பார்க்க ஆரம்பிச்சிடோம்ல..   காட் பாதர் பாக்கலைனா எப்பிடி ?? (நம்ப தல அஜித் நடிச்சது இல்லிங்கோ )

DVD வாங்கிட்டு வந்தாச்சி , அதுவும்  காட் பாதர் 1-2-3 எல்லாம் சேர்த்து ஒரே DVDல

1970ல வெளி வந்த  படம் . முழுக்க முழுக்க நிழல் உலக தாதாகளை பத்தின கதை.  இத பார்த்து தான் நாயகன்  படம் எடுத்ததா சொல்லுவாங்க (வீர தளபதி ரித்திஷ் நடிச்சது இல்லைங்க ஒலக நாயகன் கமல் நடிச்சது 😉 ) மிகவும் மெதுவாக ஆனா பரபரப்புக்கு குறைவில்லாம சிறப்பா படத்த எடுத்திருப்பாங்க.

எல்லாம் மாபியா கும்பலுக்குள்ள நடக்குற பிரச்சனையயும் அவங்க செயல் படுற விடத்தையும் அழகா படம் பிடிச்சிருப்பாரு .  மர்லன் பிராண்டோ தான் காட் பாதர்.. அவருக்கு மூணு  பசங்க ஒரு பொண்ணு .. அந்த  நகரத்தையே ஆட்டி வைக்கிற நிழல் உலக நாயகன் 🙂 அவரு  தான் . மூத்த பையன் கோபக்காரன் , ரெண்டாவது பையன் கொஞ்சம் டியுப் லைட் மூணாவது பையனுக்கு, இந்த மாதிரி அடி தடி சண்டை எல்லாம் பிடிக்காது . அவன் காலேஜ் முடிச்சிட்டு ராணுவத்துல சேரணும்னு ஆசை படுறான் .

விதி வலியது இல்லியா , அப்பாவ யாரோ சுட்டுடுறாங்க , அவரு குத்துயிரும் , கொலயுயிருமா ஆஸ்பத்திரியில கெடக்காரு. மூத்த பையனுக்கு டென்சன் … ஒன்னும் செய்ய தெரியல .. சோ மூணாவது பையன் ( அல் பக்னோ ) பொறுப்பெடுத்து எதிரிகள போட்டு தள்ளிட்டு எஸ்கேப் ஆயிடுறாரு.

கடைசியில அண்ணன்காரனையும் வேற சில எனிமீஸ் அட்டக் பண்ணி கொன்னுடறாங்க . அல் பக்னோ புல் பொறுப்பெடுத்து எப்பிடி விக்ரமன் படத்துல ஒரு பட்டுலையே குடும்பம் முன்னேறுதோ அதே மாதிரி  ஒரு அஞ்சு நிமிச சர்ச் சீன்ல அண்ணன் மரணத்துக்கு காரணமானவங்க எல்லாரையும் அவரோட ஆளுங்கள வச்சி போட்டு தள்ளுறாரு .  அவரு அவரோட தங்கச்சி பையன தத்தெடுத்து முடிக்கும் போது,  All Enemies finished 🙂 . அந்த சீன் பிரம்மாதமா எடுத்துருபாங்க. அதே மாதிரி தமிழ்ல தலை நகரம் படத்துல எடுக்க முயற்சி பண்ணிருப்பாங்க (அதாங்க நம்ம தலை நாய் சேகர் வேசத்துல பின்னுவாரே அதே படம் தான் 🙂 )

காட் பாதர் மர்லன் ப்ரண்டோவோட நடிப்ப அப்பிடியே உள்வாங்கி நடிச்சிருப்பாரு நம்ப நாயகன் கமல். படத்துல ஒரு சூப்பர் சீன் என்னனா ஒரு ஹாலிவுட்  தயாரிப்பாளர் நம்ம  காட் பாதர் சொல்லுற ஆளுக்கு சான்ஸ் குடுக்க மாட்டேன்னு சொல்லி இன்சல்ட் பண்ணிருவாரு , அன்னிக்கு நைட் அவரோட படுக்கையில  ( அட கற்பனைய அலைய விடாதிங்க  பா 😉 ) அவரு செல்லமா வளர்த்த காஸ்ட்லி குதிரையோட தலை இருக்கும்  (மொரட்டுத்தனமா யோசிசிருக்கங்கள்ள ..)

அதுக்கப்புறம் ஹிந்தில காட் பாதர் படத்த   பேஸ் பண்ணி ராம்கோபால் வர்மா எடுத்த அமிதாப் & அபிசேக் கலக்குன சர்கார் & சர்கார் ராஜ் படம் பாத்தேன் . சும்மா சொல்ல கூடாதுங்க அது அப்பிடியே காட்பாதேரோட இந்திய பதிப்பு.

அந்த ரெண்டு படத்த பத்தியும் நேயர் விருப்பமான  மட்ரிக்ஸ் 2&3 பத்தியும் அடுத்து சில போஸ்ட் 😉

அடுத்த ஹிந்தி படம்… April 15, 2009

Posted by anubaviraja in சினிமா, பிடித்தவை, ரசித்தவை.
Tags: , , , , ,
2 comments

என்னடா இவன் ஹிந்தி பட விமர்சனமா எழுதி தள்ளுரானே , பெரிய ஹிந்தி பண்டிட் போலன்னு நேனைசிகாதிங்க… ஸ்கூல் படிக்கிற காலத்தில ஹிந்தி எக்சாம் ப்ராத்மிக் மட்டும் தான் முப்பத்தஞ்சி மார்க் வாங்கி பாஸ் , ரெண்டாவது பரிட்சைக்கு படிக்க போய்ட்டு பாதிலேயே எஸ்கேப் ஆனவங்க தான் நாங்கல்லாம் 🙂

இந்த வாரம் கையில சிக்கின DVD தோஸ்தானா. திரும்பவும் அபிசேக் படம் … ஒரு மாதிரி ஏடாகூடமான சப்ஜெக்ட் , இந்த பில்டப் எல்லாம் இருந்தாலும் சரி பர்துரலாமேன்னு உட்கார்ந்தாச்சி. ஆனா உண்மையிலேயே ரெண்டு டாப் ஹீரோக்கள் இந்தா மாதிரி ஒரு கதைல நடிக்கிறதுக்கு … அதுக்காகவே அபிசேக்கையும் ஜான் அப்ரகாமையும் பாராட்டனும்.

இங்க சென்னைல எப்பிடி பச்சிலருக்கு வீடு குடுக்க மாட்டிகிரான்களோ அதே மாதிரி அமெரிக்காவில போடோகிராபரா இருக்கிற ஜானுக்கும் நர்ஸா 😉 இருக்குற அபிசேக்குகும் வீடு கெடைக்க மாட்டிக்கிது . சந்தர்ப்ப சூழ்நிலையால ரெண்டு பேரும் gay couple அப்படின்னு சொல்லி வீட்ட வாடகைக்கு எடுதுடுறாங்க . அப்புறம் பார்த்தா அதே வீட்டுல பிரியங்கா சோப்ரா தங்கிருக்காங்க. அப்புறம் என்ன வழக்கம் போல முக்கோண காதல் கதை தான் 🙂

தலை அபிசேக் இந்தா படத்துலயும் நடிப்பு பிச்சி உதறிட்டாரு. அதுலயும் ஒபெனிங் சீன் நீ எதுக்கு போயும் போயும் ஒரு நர்ஸ் வேலைக்கு சேந்தன்ணு வெள்ளைகார பெருசு ஒருத்தரு கேட்பாரு .. அப்போ பார்த்து ஒரு பாரின் லேடி போடி வாஷ் பண்ண கூப்பிடுவாங்க பாருங்க ..இது சும்மா சாம்பிள் தான் படம் புல்லா இது மாதிரி தான் …

கடைசில காத்திருந்தவங்க பொண்டாட்டிய நேத்து வந்தவன் தள்ளிட்டு போன மாதிரி வேற யாரோ ஒருத்தரு ப்ரியங்காவ கட்டிகுராறு (அதுவும் ரெண்டாந்தாரமா 😦 ) ரைட் அத விடுங்க படம் முழுசும் ஒரே A தனம் . அபிசெகோட அம்மா ஜானுக்கு ஆரத்தி எடுத்து பொட்டு வச்சி மருமகளா எத்துகுறது எல்லாம் ரொம்ப சாதாரண சீன் 🙂

ஆனா காமெடி படம்ங்ரதால ரசிக்க முடிஞ்சது . எனக்கு படம் முடிஞ்சதும் ஒன்னே ஒன்னு தான் தோணிச்சி . ஒரு வேளை ஒரு அஞ்சாறு வருஷம் கழிச்சி இந்த படத்த தமிழ்ல எடுத்தா S.J. சூர்யாவும் சிம்புவும் நடிக்கலாம் 😉

நான் பார்த்த ஹிந்தி படம் …. April 5, 2009

Posted by anubaviraja in சினிமா.
Tags: , , , , ,
6 comments

kabhi_alvida_naa_kehna

போன வாரம் ஞாயிற்று கிழமை ரொம்ப போர் அடிச்சது . சரி பாரிஸ் கார்னர்ல வாங்கிட்டு வந்த எல்லா DVD உம் பார்த்தாச்சே என்ன பண்ணுறதுன்னு தெரியாம உட்கார்ந்துகிட்டு இருந்தேன் . சரி இந்த படம் சும்மா தான இருக்குன்னு எடுத்தேன். படத்தோட பேரு கபி  அல்விதா நா  கேஹனா. என்னோட அண்ணனும் , எங்க ஆபீஸ்ல வேலை பாக்குற ஒருத்தரும் ஏற்கனவே அந்த படத்தோட கதைய லைட்டா சொல்லிருந்தாங்க… தயவு செஞ்சி பாத்துறாதடான்னு வேற   சொல்லிருந்தாங்க.

ஆனா  போனவாரம் சர்கார், அப்புறம் சர்கார் ராஜ் பார்த்ததுல இருந்து அபிசேக் பச்ச்சனோட பெரிய  பேன் ஆயிட்டேனா , சரி பார்துரலாமேனு  உக்கார்ந்தேன்.

படத்துல ஆரம்பத்துல அபிசேக் பச்சனுக்கும் ராணி முகர்ஜிக்கும் கல்யாணம் நடக்குது ..
அபிஷேக்கோட அப்பாவா அமிதாப் வர்றாரு. அப்புறம் ஷாருக் கான் ஒரு புட்பால் playeraa வராரு. அவரோட மனைவி ப்ரீத்தி ஜிந்தா. சரி பேமலி சப்ஜெக்ட் தான்னு நம்பி உட்கார்ந்துட்டேன் . ஐயோ .. இவரு பொண்டாட்டிய அவரு காதலிக்கிறது .. அவரு பொண்டாட்டிய இவரு காதலிக்கிறது .. வாரே வா என்ன ஒரு குடும்ப காவியம் .

அதுல அமிதாப் வேற ப்ளே பாய் 😦 . சர்கார்ல நான் பார்த்த அமிதாப்பே வேற.. ரைட் விடுங்க. ஷாருக்கோட அம்மா கூட அவருக்கு வேற லவ் … போதும்டா சாமி .. இப்பிடி ஒரு படத்த இனி வாழ்கையிலேயே பார்க்க கூடாதுன்னு முடிவு பண்ணிட்டு கிளைமாக்ஸ் பர்துருவோமேன்னு உட்கார்ந்தேன் . அதுல ஒரு சீன், அபிசேக் அவரோட பொண்டாட்டி ராணி முகர்ஜிய கொஞ்சுராறு.. அத பார்த்துட்டு ஷாருக் டென்சன் ஆகுறாரு  பாருங்க அப்போ தான் எனக்கும் டென்ஷன் ஆச்சி.

இத தான் எங்க தலை அன்னிக்கே சொன்னாரு . “ஊரா டா இது , இவன் பொண்டாட்டிய அவன் வச்சிருகேங்க்றான் ,   அவன் பொண்டாட்டிய இவன் வச்சிருகேங்க்றான் ,  ….”
அது மாதிரி ஆயிரிச்சி . கடைசில ஷாருக்கானும் ராணி முகர்ஜியும் ஒன்னு சேருறாங்க பாருங்க …. ஷப்பா…  அப்ப தாங்க எனக்கு கண்ண கட்டுச்சி…

ரைடு.. இது மாதிரி குடும்ப காவியமெல்லாம் ஹிந்தில தான் எடுக்க முடியும் , தமிழ்ல எடுத்தா … நெனைச்சி பார்கவே பயமா இருக்குங்க …

%d bloggers like this: