jump to navigation

அப்பா… June 19, 2017

Posted by anubaviraja in நடந்தவை.
Tags: , , ,
2 comments

12657353_1171948692830135_5029907606615636924_o
சம்பவம் 1 
சமையல் மாஸ்டர்: அண்ணாச்சி, இங்க பாருங்க இந்த கல்யாண சீட்டை உங்க கடைல தான் குடுக்க போறேன்.. எப்படியும் ஒரு ஐயாயிரம் ருபாய் வரும்.. நம்ம கமிஷன பாத்து செஞ்சிருங்க..
அப்பா: இல்லிங்க.. இந்த மாதிரி பழக்கம் நம்ம கடைல கெடயாது

(more…)

Advertisements

ஐஸ் பக்கெட் சேலஞ்.. அப்படின்னா என்னன்னா August 31, 2014

Posted by anubaviraja in நடந்தவை, பிடித்தவை, ரசித்தவை.
Tags: , , , , , , ,
add a comment

என்னடா ஊருக்குள்ள எல்லாரும் ஐஸ் பக்கெட் சேலஞ்….ஐஸ் பக்கெட் சேலஞ்… அப்டிங்ரான்களே.. அதோட எஸ்டிடி (வரலாறு) தெரிஞ்சிக்கணும் ணா..

Amyotrophic lateral sclerosis அப்படின்னு ஒரு நோய்.. அதோட விழிப்புணர்வு மற்றும் நிதி திரட்டுவதற்கு ஐஸ் பக்கெட் சேலஞ் அப்படின்னு ஒண்ணு கண்டு பிடிச்சி.. இந்த Facebook, Twitter மாதிரியான சமூக வலைதளங்களில் #ALS அப்படிங்கற டாக்ல பரப்ப ஆரம்பிச்சாங்க.. அதாகப்பட்டது சவால் விடுறவர் ஒருத்தர் .. அத ஓபனா யாரவது ஒருத்தருக்கு அனுப்பி வச்சிர வேண்டியது.. ஒண்ணு சவால ஏத்துகிட்டு ஒரு பக்கெட் நெறைய ஐஸ் கட்டி தண்ணி வச்சி தலைல ஊத்தணும்.. இல்லேன்னா அந்த தொண்டு நிறுவனத்துக்கு டொனேஷன் கொடுத்துரணும்..

 

ஜூன் மாச கடைசில ஆரம்பிச்ச இந்த சவால், காட்டு தீ மாதிரி பரவ ஆரம்பிசிச்சி.. ஜார்ஜ்புஷ், கிளிண்டன், காமரூன், இது போன்ற உலக தலைவர்கள் எல்லாம் சவால் ஏத்துகிட்டாங்க, ஒபாமா ஜகா வாங்கிட்டு நூறு டாலர் டொனேட் பண்ணிட்டார் 😉 இருந்தாலும் ஐஸ் பக்கெட் குளிரும்மா இல்லையா ?

(more…)

இரும்புப் பறவையே ..நீயெங்கே? April 1, 2014

Posted by anubaviraja in கவிதை, நடந்தவை.
add a comment

Dark-Sea-550x550

 

வானில் பறந்தாய்.. மாயமானாய்..

கண்டம் தாண்டி போனாயோ?

காட்டில் ஒளிந்துகொண்டாயோ?

வல்லுறு தூக்கிச் சென்றதோ?

கடல்வேந்தன் கூட்டிக்கொண்டானோ ?

றெக்கைகளை எங்கோ மறைத்தாயோ?

(more…)

விழியை விற்று… March 30, 2014

Posted by anubaviraja in Uncategorized.
add a comment

உச்சிப் பொழுதின் நெடுஞ்சாலை பயணம் உணர்த்திச் செல்கிறது…
இருபுறமும் வெட்டப்பட்ட மரங்களின் அருமையை..

image

தெனாலி ராமன் – ட்ரெய்லர்: கைப்புள்ள Comeback! March 29, 2014

Posted by anubaviraja in அரசியல், சினிமா, தலை, நகைச்சுவை, பிடித்தவை.
Tags: , , , ,
3 comments

2011 எலெக்சன்ல தெரியாத்தனமா வாய்ஸ் குடுக்க போய் … நம்ம தலைய ஒரு மூணு வருஷம் வீட்ல சும்மா உட்கார வச்சிட்டாங்க.

 

ஆலை இல்லாத ஊருக்கு இலுப்பைப் பூ சர்க்கரை மாதிரி.. யாராரோ காமடி பண்ண முயற்சி பண்றாங்க, அதுல பாருங்க நமக்கு சிரிப்பே வர மாட்டேங்குது.. சந்தானம் இப்போ கொஞ்சம் போர் அடிக்க ஆரம்பிச்சிட்டார் ..  மிக்க ஆவலோட எதிர் பார்த்த ட்ரெய்லர் வந்துரிச்சி..

 

பன்ச் டயலாக் என்னனா …

 

ஒருவன் லட்சியம் நிறைவாகும் வரையிலும் மறைவாக இருப்பது தான் நல்லது.. இது உலகின் அனைத்து போராளிகளுக்கும் பொருந்தும் மன்னா 🙂

 

 

தெனாலிராமா உனது வருகையை கோலாகலமாகக் கொண்டாட வேண்டும்!

 

(கொஞ்சம் இந்திரலோகத்தில் அழகப்பன் வாடை அடிக்கிதோ? 😦  … இருக்காதுன்னு நம்புவோம்!)

தமிழனென்று சொல்லடா.. March 18, 2014

Posted by anubaviraja in அரசியல், கவிதை, தமிழ்.
Tags: , , , , ,
add a comment

குடிமகன்

குறிஞ்சியிலே வெடி வெடித்து மலைகளெல்லாம் மாயமாம்..

முல்லையிலே மரமறுத்து சிறு பறவையும் காணோமாம்..

மருதமெங்கும் எரிவாயுக்கு வயலெல்லாம் வேணுமாம்..

உயிரோடு கடலாடி போய்வரல்  நெய்தலெங்கும் தான் அரிதாம்..

காணி நிலம் கிடையாது  பாரதி .. இனி உன் நாடு பாலை நிலம் தான்..

மாண்புமிக்க தமிழினத்தில்..இப்போது வந்து பிறந்ததால்…

மதுபான மணம் தவிர வேறெதுவும் யாமறியோம் பராபரமே…

புன்னகையில் புது உலகம் May 18, 2013

Posted by anubaviraja in Uncategorized.
1 comment so far

முன் குறிப்பு: இந்த பதிவு முழுவதும் எனது புதிய Nexus 4 போன் மூலம் பதிவெற்றப் பட்டது. 😉 ஒரு விளம்பரம் 🙂

உச்சி வெயில் மண்டையை பிளக்கும் போது பேருந்து பயணம் என்பது எவ்வளவு கொடுமையானது என்பது அனுபவித்து பார்த்தவர்களுக்கு கண்டிப்பாக தெரிந்து இருக்கும்.. அப்படி ஒரு கொடுமையான அனுபவத்தை பெற பேருந்து நிலையத்தை நோக்கி விரைந்து கொண்டு இருந்தேன்.

image

எங்கள் தெரு பிரதான சாலையில் சந்திக்கும் இடம். இரண்டு குட்டி நண்பிகள் பேசி சிரித்துக் கொண்டும் விளையாடிக் கொண்டும் சைக்கிளில் சென்று கொண்டு இருந்தனர். கொளுத்தும் வெயிலில் இப்படி குதித்து குதுகலமாய் இரு அணில்களை போல போவதை பார்ப்பது மிகவும் இனிமையாய் இருந்தது.

வேகமாக சென்ற சைக்கிள் பிரதான சாலையை கடக்கும் போதும் கட்டுப்பாடு இல்லாமல் செல்வதை பார்த்து அதிர்ந்து நிற்ப்பதர்க்குள், அது நடந்து விட்டது.. குறுக்கே வந்த மாருதி ஆம்னி ஒரு சடன் பிரெக் அடித்து நின்றே விட்டது.. நண்பிகள் இருவரும் அதிர்ச்சி அடைந்து நிற்க்க, அந்த காருக்குள்ளே இருந்து ஒரு மத்திய வயதுக்காரர் எட்டி பார்த்தார். அவ்வளவு தான், இருவரயும் திட்டி தீர்க்க போகிறார் என்று பார்த்துக் கொண்டு இருந்தேன்..

ஆனால் பேரதிசயமாய் அவரிடமிருந்து ஒரு புன்னகை கீற்று.. “பிரேக் பிடிக்கலயா” என்று கேட்டார். இரு தோழியரும் ஆமொதிப்பாய் தலை அசைக்க, “பாத்து போகணும், சரியா?” என சொல்லிய படி காரை நகர்த்தினார். முன்னிருக்கயில் இருந்த ஒரு பெண் , அவர்களை பார்த்து புன்னகைக்க, இந்த சைக்கிள் அழகிகள் தெற்றுப் பல் தெரிய சிரிக்க, ஒரு கணம் உலகம் அவ்வளவு அழகாகிப் போனது… சிரித்துக் கொண்டே நானும் நடையை கட்டினேன். புன்னகை தான் எவ்வளவு அபாயகரமான தொற்று நோய்.:)

Spread Smiles!!

பேருந்து பயணம் – வாழ்வியல் பாடம் ் March 16, 2013

Posted by anubaviraja in நடந்தவை, மதுரை.
2 comments

முன் குறிப்பு: இந்த பதிவு முழுவதும் என்னுடைய மொபைல் போன் மூலம் எழுத பட்டு பின்னர் கணினியில் சரி பார்க்க பட்டது

சற்று முன்பு வரை கூட பதிவு எழுதும் மன நிலையில் நான் இல்லை. இப்பொழுது பேருந்தில் பயணம் செய்து கொண்டு தான் இருக்கிரேன், ஆயினும் எழுத தூண்டியவர் என் முன் இருக்கையில் அமர்ந்திருக்கும் நபர் தான்.

வெகு சமிபத்தில் திரைஉலகத்தயும் இணயத்தயும் சூழ்ந்து இருக்கும் ஹரிதாஸ் மற்றும் பரதேசி ஆகியன என்னுள் எற்பபடுத்தி இருக்கும் தாக்கம் அதிகம்.

வழமை போல மதுரை மத்திய பேருந்து நிலையத்தில் இருந்து எனது சொந்த ஊருக்கு சென்று கொண்டு இருக்கிரேன். பேருந்தில் சற்றெ மனநலம் குன்றிய ஒருவர் , இருபது வயது இருக்கலாம்.. ஒல்லியான உடல் உருவம், கருத்த தேகம், அசவுகரியமான உடல் மொழி, அழுக்கான ஆடைகள்.. நடத்துனரால் இறக்கி விடப்படுவாறோ என எண்ணிக்கொண்டு இருந்தேன்…

image

(more…)

நான் வாங்கிய பைக் – Bajaj Discover 100CC March 11, 2013

Posted by anubaviraja in நடந்தவை, பிடித்தவை, மதுரை.
Tags: , , , , ,
2 comments

அன்பர்களே, நண்பர்களே… ரொம்ப நாளா இந்த பக்கம் வராம இருந்துட்டேன்னு கொஞ்சம் பேர் வருத்தத்துலயும்,நெறய பேர் கட்டுகடங்காத மகிழ்ச்சிலயும் இருக்குறிங்க அப்படின்னு கேள்விப்பட்டு இங்க வந்துட்டேன். 😉

அதாகப்பட்டது, நான் ஒரு ஆறு மாசம் முன்னாடி வாங்கின பைக் – பஜாஜ் டிஸ்கவர் 100 சிசி …இத பத்தி எழுதுறதுக்கு இவ்வளவு நாள்!!

இந்த வண்டி வாங்குறதுக்கு முன்னாடி எவ்வளவு குழப்பங்கள், எவ்வளவு பிரச்சனைகள், எவ்வளவு ஆராய்ச்சிகள்… இதுக்கு முன்னாடி இரு சக்கர வாகனம் – அப்படின்னு ஒண்ணு நான் சென்னைல ஒட்டிகிட்டு இருந்தது சுசுகி ஷோகன்… அருமையான வண்டி பாஸ்… நான் ஆபீஸ் வரதுக்கு 100  அடி தூரத்துக்கு முன்னாடியே எல்லாரும் அலர்ட் ஆயிருவாங்க அப்ப்டின்ன பார்த்துகொங்களேன்… சிறப்பு சத்தம், ஒரு லிட்டர் பெட்ரோலுக்கு 20 கிலோமீட்டர் ஓடும் தன்மை, அருமையான தோற்றம்… இப்படி அனைத்தும் ஒருங்கே இணைந்த ஒரு உன்னதமான வண்டி தான் –    ஷோகன், ஷோகன் – ஷோகன்… இதுக்கு மேல அந்த வண்டிய பத்தி ஒரு வார்த்தை பேசினேன் அப்படினா சும்மா காட்சிக்கும் ஓட்டிக்கோப்பா அப்படின்னு குடுத்த சிங்கப்பூர் சீமான், என் அண்ணனின் உயிர் நண்பர் , உயர் திரு பிராங்க்ளின் அவர்கள் கோபித்து கொல்வார் (கொள்வார் இல்ல 😉 ) என்பதால் மேற்கொண்டு பஜாஜ் டிஸ்கவர் 100 சிசி பத்தியே நான் சொல்றேன்.. அதுக்கு முன்னாடி – அந்த வண்டியின் ஒரு புகைப்படம் உங்கள் பார்வைக்கு,

bike

இதன் பிறகு மதுரை வந்து இரண்டரை ஆண்டுகாலமாக பைக் என்கின்ற பேச்சுக்கே இடம் குடாமல் மன உறுதியோடு வாழ்ந்து வந்தேன்… ( ஸ்ஸ்ஸ்ஸ் .. செந்தமிழ்ல லென்த்தா பேசுறது கொஞ்சம் கஷ்டமா தான் இருக்கு 🙂 ) புதுசா ஒரு வீட்டுக்கு குடி வந்தோம்… அப்போ தான் கவனிச்சேன்… அங்க ஒரு பைக் பார்க்கிங் இருக்கு அப்படின்னு… லேசா சலனம் … சரி அப்படி மார்க்கெட்டில என்ன வண்டி தான் இருக்கும் அப்படின்னு பாப்போம்னு தேட ஆரம்பிச்சேன்…

(more…)

21-12-12 உலகம் ஏன் அழியவில்லை என்றால்…. December 21, 2012

Posted by anubaviraja in அரசியல், எதுலயும் சேராது, சினிமா, சென்னை, தமிழ், தலை, நடந்தவை, பிடித்தவை, புத்தகம், மதுரை, ரசித்தவை.
Tags: , , , , , , , , , , , , , ,
4 comments

100_post

உலகம் அழியிர விஷயம் ஒரு ஓரமா கெடக்கட்டும்… இப்போ நான் சொல்ல வர்ற முக்கியமான விஷயம் என்னன்னா …இது என்னோட நூறாவது பதிவு…. அட ஆமாங்க … நானும் செஞ்சுரி அடிச்சிட்டேன் ! 🙂 🙂 🙂 2008 டிசம்பர் மாசம் .. கிட்டத்தட்ட நாலு வருஷம் முன்னாடி விளையாட்டு போக்கில எழுத ஆரம்பிச்ச ஒரு விஷயம்… இப்போ நூறு பதிவு அப்படிங்கறது… எனக்கே கொஞ்சம் வியப்பா தான் இருக்கு … இத விட அதிகமா நான் எழுதிருக்க முடியும்… எல்லாம் இந்த வேலை பளு, மின்சாரமின்மை, சோம்பல், இப்படி பல்வேறு காரணங்களால் ஏதோ.. இப்போ தான் முட்டி மோதி ஒரு நூறு பதிவுக்கு வந்திருக்கேன்..

என்னோட பெரும்பாலான பதிவுகள் நகைச்சுவை பதிவுகளா தான் இருக்கும்… ஏன்னா பேசிக்கல்லி நாம காமெடி லைக் பண்றதால கூட இருக்கலாம் … நம்ம பதிவுகள்ள ரொம்பஅதிகமா ஹிட் அடிச்சது.. நம்ம தலைவர் பவர் ஸ்டார் தான்… அந்த டாப் பத்து பதிவுகள்…இதோ உங்கள் பார்வைக்கு …

 

(more…)

%d bloggers like this: